Sefydlwyd Cymdeithas Cymru-Llydaw ar faes Eisteddfod Genedlaethol Caerfyrddin yn 1974.
Cymdeithas nid-er-elw yw Cymdeithas Cymru-Llydaw, sy’n dibynnu ar ei haelodau er mwyn cynnal ei gwaith.
Amcanion y Gymdeithas yw:
- gweithio dros y Llydaweg a thros y Gymraeg drwy eu defnyddio.
- rhoi gwybod i’r aelodau beth sy’n digwydd yn Llydaw.
- astudio’r Llydaweg a diwylliant Llydaw.
- cryfhau’r cysylltiadau rhwng Cymru a Llydaw, yn enwedig er lles ein hieithoedd Celtaidd.
- cynorthwyo’r Cymry sy’n awyddus i ddysgu Llydaweg.
- tynnu sylw at y frwydr dros ieithoedd eraill, ieithoedd bychain, rhai heb nemor ddim grym gwleidyddol a rhai sydd wedi dod yn ieithoedd lleiafrifol.
Mae’r Gymdeithas yn cael ei chynnal gan y swyddogion a’r pwyllgor.